Galego

1ª actividade do 2022 que nos levou por lugares e recunchos poucas veces visitados da Reserva Natural da Biosfera "Terras Do Mandeo".

Moitas grazas a todos os participantes, tanto aos habituais como aos novos amigos que van chegando en cada actividade.

Saímos de Betanzos para percorrer a ribeira esquerda do Mandeo ata "Os Caneiros", lugar onde se celebra a famosa festa rivereña de Betanzos. Chegados ao Rego de Mainzoso, afluente do Mandeo, subimos o primeiro augas arriba gozando cada recuncho, fervenza e restos de muíños, non sen certa dose de dificultade. Por fín terminamos esta primeira subida do día en Vilamourel. Chegados a Medín, aproveitamos a súa área de lecer para o xantar de media mañá.

A partir de aquí baixada ata O Bocelo, onde nos reencontramos co Mandeo. Percorrémolo augas abaixo, pasando polas ruínas do vello balneario. Cruzamos a ponte á rivera esquerda por onde continuamos augas abaixo ata preto do Centro de Interpretación de Chelo. E aí espéranos o esforzo final. A esixente subida á Espenuca, onde coroamos tocando a campá xunto ao vértice xeodésico, e visitando a súa antiga e preciosa igrexa del s.XII.